Сериозен мајтап

Според Алистер Кроули ова е Телемитската декларација на правата на Човекот. Ова го ставам тука за да добиете чувство за она во што верувам (следствено и за мене). Сигурно ќе кажете за она што ќе го прочитате дека е common sense, меѓутоа прашајте се колку од набројаните права се уживаат денес. А потоа прашајте се колку од тие права им ги уважувате на другите околу вас.

Liber LXXVII: OZ

„законот на
силните:
ова е нашиот закон
и радоста
на светот.“ AL. II. 2

„Прави што ти е волја ќе биде сиот Закон.“ –AL. I. 40

„немаш право освен да ја правиш твојата волја. Прави го тоа и никој нема да каже не.“ –AL. I. 42-3

„Секој маж и секоја жена е ѕвезда.“ –AL. I. 3

Нема бог освен човекот.

1. Човекот има право да живее според сопствен закон–

да живее на начин според неговата волја:
да работи како што му е волја:
да игра како што му е волја:
да одмора како што му е волја:
да умре кога и како му е волја.

2. Човекот има право да јаде што му е волја:

да пие што му е волја:
да живее каде му е волја:
да се движи како му е волја по земјата.

3. Човекот има право да мисли што му е волја:

да зборува што му е волја:
да пишува што му е волја:
да црта, слика, резба, длаби, ваја, гради како му е волја:
да се облекува како му е волја.

4. Човекот има право да љуби како му е волја:–

„исполни се со љубов како ти е волја,
кога, каде и со кого ти е волја.“ –AL. I. 51

5. Човекот има право да ги убие оние што би му ги ускратиле овие права.

„робовите ќе служат.“ –AL. II. 58

„Љубовта е закон, љубов под волја.“ –AL. I. 57

Многу луѓе (вклучувајќи и некои од оние што се нарекуваат Телемити) ја забораваат клучната реченица: Секој маж и секоја жена е ѕвезда. Во превод тоа значи „Ако ја прифаќам оваа декларација на права како моја, тогаш треба да имам на ум дека важи за сите луѓе.“ Тоа значи дека и оние што имам право да ги убијам имаат право на живот. Исто така значи дека ако јас сакам да се „исполнам со љубов кога, каде и со кого ми е волја“ другата личност треба да го сака истото.

„Прави што ти е волја“ не е исто со „Прави што сакаш“ и оваа декларација на правата на човекот малку ја дообјаснува разликата.

А што се однесува до претпоследната реченица, Кроули тоа најдобро го објаснува во една фуснота во Магика без солзи.

„Господар“ буквално означува способна, авантуристичка, добредојдена одговорност. „Роб“: неговото мото е „првин сигурност“, со се она што тоа го вклучува.